Moderatori Ardit Gjebrea ka arritur të fitojë luftën me covidin famë keq. Në një postim të para pak minutave, artisti ka hedhur një foto veshur thjeshtë, me tuta dhe xhup të kuq, pa harruar maskën.
Krahas fotos ai poston edhe falenderimet e rastit, ku nuk mund të mungonte ai për nënën e dy fëmijëve të tij:
‘Kaq ishte!
Tani filloi rekuperimi dhe së pari falënderoj: dr. Adrian Jorgjin që më ngriti në këmbë, infermiere Florën për durimin, Anilën engjëll mbrojtës për ditët dhe netët pa gjumë, miqtë që çdo mëngjes më mbushnin inbox të ËhatsApp me merakun e tyre.
Faleminderit dhe të gjithë ju që më keni shkruar dhe uruar shërim të shpejtë, jeni shumë të mirë dhe bekimet tuaja ishin doza e duhur për të mbajtur optimizmin lart – motiv force!
Tani sigurisht do duhet pak kohë deri sa të ndez të 5 motorrët, po kush na nxiton?
Dielli doli’, përfundon postimi i Gjebreas, i cili të dielën e shkuar nuk mundi dot të moderonte as nga shtëpia pasi mjekët i kishin këshilluar pushim absolute. /Pamfleti
