Anti-Mafia30 Qershor 2022, 11:34

KÇK/ Dy firmat e Grigor Jotit të “INFOSOFT” kanë vjedhur 4.5 milionë Euro TVSH me fatura false, gjykata bllokon dosjen

Shkruar nga Pamfleti
KÇK/ Dy firmat e Grigor Jotit të “INFOSOFT” kanë

KÇK/ Dy firmat e Grigor Jotit të “INFOSOFT” kanë vjedhur 4.5 milionë Euro TVSH me fatura false, gjykata bllokon dosjen

Zoti ministër i Drejtësisë, ja si drejtësia bëhet mburojë e krimeve me autorë oligarkët/ Prokurori i Tiranës, Bledar Valikaj e ka çuar dosjen penale për gjykim qysh më 1 mars 2022, por shefat e Gjykatës së Tiranës nuk po e dorëzojnë  për nisje procedure e vendim te Dhoma Penale, me qëllimin e vetëm që të kalohet afati ligjor e çështja të pushohet, ndërkohë që 143 dosje pas saj janë shortuar e janë futur në proces gjykimi

Në sirtarët e Gjykatës së Tiranës, prej 4 muajsh është kyçur e nuk po çohet në Dhomë Penale për fillim procedure gjykimi për “Çështja Penale Nr. 828.2020”, në ngarkim të grupit “Joti” që ka vjedhur 4.5 milionë Euro, me lëshim faturash tatimore false për TVSH e shitjes së cigareve.

Këto fatura, janë lëshuar nga dy bizneset fantazma “Inter Distribution Services” dhe “INTER TRADE& DISTRIBUTION” të oligarkut Grigor Joti, kapur para 1 viti e kallëzuar penalisht nga KLSH edhe për çokollatat dhe akulloret e importit me etiketa false, të skaduara e me substanca kimike.

Për 4.5 milionë Euro që dy firmat e Grigor Jotit të “InfoSoft” i kanë vjedhur shtetit me mashtrim tatimor, prokuroria e Tiranës ka konstatuar se faturat hartoheshin nga vëllai i tij Rolond Joti, nga familjarja e tyre Ana Zervoi administratore dhe dy punonjës të firmave përkatëse.

Faturat janë lëshuar në emër të një subjekti privat me emrin “Lindita Spaho” e Nipt: L322170441I;, e cila sipas regjistrit të tatimeve, rezulton e vetëpunësuar shitëse në treg, jashtë detyrimit të taksimit me sistemin e TVSH.

Jo vetëm kaq, por sipas prokurorit Bledar Valikaj, gjatë periudhës kur dy firmat “Inter Distribution Services Shpk” e “INTER TRADE&DISTRIBUTION Shpk” të oligarkut  Grigor Joti kanë lëshuar faturat false për 4.5 milionë Euro TVSH në emër të subjektit “Lindita Spaho-Person Fizik”, kjo ka qenë e ç’regjistruar si aktivitet.

Pasi ka provuar vjedhjen edhe me dokumente tatimore, më 1 mars 2022 prokurori Bledar Valikaj ka dorëzuar në Gjykatën e Tiranës, “Dosjen nr. 828/2020” me të pandehur Roland Joti, Ana Zervoi, Alban Ulkashej, Dritan Bylyku.

Si ortakë dhe drejtues të firmave “Inter Distribution Services” e “INTER TRADE&DISTRIBUTION”, biznese të grupit “InfoSoft” me pronar oligarkun Grigor Joti, këta kanë kryer veprën penale “Fshehje e të ardhurave” e “Falsifikim të dokumenteve tatimore në bashkëpunim”, me pasojë 4.5 milionë Euro vjedhje.

Ata janë çuar për gjykim qysh më 1 mars, por shefat e Gjykatës- Tiranë nuk po e kalojnë dosjen në Dhomë Penale e short, megjithëse është tejkaluar afati i nisjes së procedurës, ndërkohë që 143 dosje të tjera penale, të çuara pas dosjes “Joti”, janë shortuar e janë futur në proces gjykimi.

Ka zëra, se dosja e vjedhjes 4.5 milionë Euro nëpërmjet mashtrimit tatimor me TVSH-në e cigareve, bërë nga firmat “Inter Distribution Services” dhe “INTER TRADE & DISTRIBUTION” do mbahet kyçur e do lihet në harresë, deri sa të kalojë afati ligjor i gjykimit dhe… do pushohet.

Mos harroni! Janë bizneset e oligarkut Grigor Joti, ndërsa organizator i këtij krimi është vëllai i tij Roland Joti, por kujtojmë, se kjo nuk është hera e parë që vjedhin me fatura false të TVSH.

Madje batërdi me faturat false të TVSH, Grigor Joti ka bërë dhe me firmat e tjera “IMLS Shpk”, “Interbrands shpk” e “Investment Joti- Infosoft Group”, për të cilat, shefat e tatimeve i fsheshin, ndërsa ne do t’i publikojmë në vijim./Pamfleti

Anti-Mafia #Dy firmat e Grigor Jotit të “INFOSOFT” kanë vjedhur 4.5 milionë Euro TVSH me fatura false #gjykata bllokon dosjen KÇK