Shkruar nga PamfletiKëlliçi i publikon Veliajt videon: Ky mashtron edhe Papën
Në profilin e tij të Facebook, kandidati i Primareve, Belind Këlliçi, ka publikuar një video të kryebashkiakut të Tiranës, Erion Veliaj, teksa takohet me Papa Françeskun.
Në video shihet Veliaj, teksa i jep dorën Papës dhe i thotë: Jemi takuar në Tiranë, kam organizuar vizitën tuaj të parë.
Ndërsa Këlliçi videon e shoqëron me postimin:
“Ky mashtron edhe Papën!
Prezantohet si kryebashkiaku që priti Papa Françeskun në Tiranë, në shtator 2014. Veliaj e ka marrë detyrën në korrik 2015.
Zyrtarisht mashtrues ndërkombëtar dhe i pafe.
Promovimi i mashtruesëve ordinerë në funksione të larta publike ka vrarë shpresat e shumë të rinjve të mirëarsimuar që duan të hyjnë në mjedisin hermetik politik.
Është modeli Veliaj, i dokumentuar në mashtrim me zë dhe figurë, që ka ulur besueshmërinë e shqiptarëve tek përfaqësimi, fjala dhe angazhimi publik.
Erion Veliaj është një referencë negative për këdo që beson tek merita, puna me djersë dhe konkurrenca e gara e brendshme partiake.”, përfundon postimi i Këlliçit. /Pamfleti
