Aktualitet 5 Dhjetor 2018, 21:17

Kërcasin prangat në Korçë, arrestohet ish-drejtori i lartë dhe katër zyrtarë të tjerë

Shkruar nga Pamfleti
Kërcasin prangat në Korçë, arrestohet ish-drejtori i

Kërcasin prangat në Korçë, arrestohet ish-drejtori i lartë dhe katër zyrtarë të tjerë

Ish-drejtori i Hipotekës në Korçë dhe katër vartës të tij janë arrestuar sot nga policia, pasi akuzohen për korrupsion. Uniformat blu bëjnë me dije se zyrtarët e lartë, në bashkëpunim me njëri-tjetrin, iu kanë marrë lekë qytetarëve për t’iu përpiluar dokumente fiktive për regjistrim pasurish, që rezultonin me probleme në përfitimin e çertifikatës së pronësisë.

Njoftimi i policisë

Specialistët e Seksionit për Krimin Ekonomik-Financiar, në Drejtorinë Vendore të Policisë Korçë, bënë ekzekutimin e urdhërit të Prokurorisë, për zbatimin e vendimit të Gjykatës së Shkallës së Parë Korçë, për ndalimin e shtetasve:

• L.B, 33 vjeç, banues në Korçë, (me detyrë ish-Drejtor në ZVRPP-Korçë).

• E.G, 34 vjeç, banues në fshatin Barç, (ish-punonjës në ZVRPP-Korçë)

• A. H, 28 vjeçe, banuese në Korçë, (me detyrë regjistruese në ZVRPP-Korçë) të tre për veprat penale parashikuar nga nenet 248, 143/2, 186, 192/a të Kodit Penal.

• E. A, 36 vjeç, banues në Korçë, (ish-punonjës në ZVRPP-Korçë) nenet 143/2 dhe 186 të Kodit Penal,

• A. Z, 65 vjeç, banues në Korçë, neni 245/1 i Kodit Penal.

Ndalimi i tyre u bë pasi, Gjykata e Shkallës së Parë Korçë, me vendim datë 05.12.2018, ka vendosur për këta shtetas, masën e sigurisë “Arrest me burg” pasi në bashkëpunim me njëri-tjetrin, dyshohet se i’u kanë marrë qytetarëve, sasi lekësh duke i’u përpiluar dokumenta fiktive, për regjistrim pasurish të cilat rezultonin me probleme në përfitimin e çertifikatës së pronësisë.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme hetimore.

Aktualitet Arrestime Hipoteka Korçë