Kreu i qeverisë Edi Rama ka zhvilluar një bisedë telefonike me Sekretarin e Përgjithshëm i NATO-s, Jens Stoltenberg lidhur me mbështetjen ndaj Ukrainës.
Lajmi është konfirmuar nga Stoltenberg, i cili përmes një postimi në Twitter thekson se bisedoi me Ramën edhe për çështjen e anëtarësimit të Finlandës dhe Suedisë në Aleancën e Atlantikut të Veriut.
“Zhvillova një bisedë telefonike me kryeministrin e Shqipërisë, Edi Ramën për mbështetjen e NATO-s ndaj popullit të Ukrainës. Ukraina mund ta fitojë këtë luftë. Ne diskutuam gjithashtu se si Finlanda dhe Suedia do të forconin aleancën tonë dhe rëndësinë e politikës së Dyerve të Hapura”- shkruan Stoltenberg.
