Ardit Gjebresë duket se i ka ‘rrëshqitur’ pak situata gjatë rubrikës ‘Shihemi në Gjyq’. Ditën e djeshme (24 janar) në programin ‘E diela shqiptare’, pikërisht në rubrikën e sipër përmendur ishin të ftuar dy zotërinj që kishin probleme pronësie.
Njëri prej tyre, Hajriu e ka bërë Arditin të qeshë me të madhe për shkak të mënyrës si fliste dhe çfarë thoshte. Moderatorit nuk i kishte ndodhur diçka e tillë në 9 vite drejtim të emisionit të tij, ndaj u detyrua të kërkonte edhe falje tek publiku.
“Me paratë e tij unë mbylla hallet e mia”, tha Hajriu ndërsa Arditi nuk pushonte dot së qeshuri.
“Po hallet e tij kush i lan?”, iu drejtua Eni Çobani.
“Tani hallet e tij i mbyll ajo toka që është në vend, burri luan, toka nuk luan. Sa ka ngrënë ajo tokë dhe do hajë”, u përgjigj Hairiu duke shkaktuar sërish të qeshura në studio.
Më pas Arditi u detyrua të ndërpriste programin për publicitet dhe u kërkoi falje teleshikuesve.
“Kërkoj ndjesë pafund. Ju kërkoj ndjesë. Nuk më ka ndodhur në 9 vite që jemi bashkë”, u shpreh Arditi pas situatës.
