Kronike31 Dhjetor 2022, 12:59

Klononte çelësat e dyerve të blinduara dhe vidhte sende me vlerë në banesa, arrestohet “skifteri” në Tiranë

Shkruar nga Pamfleti
Klononte çelësat e dyerve të blinduara dhe vidhte sende me

Foto ilustruese

Policia ka vënë në pranga një të ri, i cili dyshohet se ka grabitur me dhjetra banesa në kryeqytet.

Në kuadër të operacionit “Klonimi” u arrestua Vilson Kono dhe u shpall në kërkim shtetasi Arsen Qose.

Shërbimet e Komisariatit të Policisë Nr. 2 dhe të Komisariatit të Policisë Nr. 3, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore disamujore, organizuan dhe finalizuan me sukses operacionin policor të koduar “Klonimi”.

Në kuadër të këtij operacioni u bë arrestimi në flagrancë i shtetasit:

– V. K., 34 vjeç, banues në Durrës, i dënuar më parë për të njëjtën veprimtari kriminale.

Gjithashtu, u shpall në kërkim bashkëpunëtori i tij, shtetasi A. Q., 39 vjeç, banues në Tiranë.

Shtetasi V. K., më datë 30.12.2022, është kapur në flagrancë, nga shërbimet e Policisë, gjatë kohës që po tentonte të vidhte në një apartament, në rrugën “Sami Frashëri”.

Nga hetimet e kryera ka rezultuar se ky shtetas, në bashkëpunim me shtetasin A. Q., gjatë këtij viti, me anë të çelësave të klonuar, kanë vjedhur shuma parash dhe sende me vlerë, në 9 apartamente, në zona të ndryshme të Tiranës, konkretisht:

– Më datë 04.03.2022, kanë vjedhur në banesën e shtetasit B. M.;

– Më datë 20.03.2022, kanë vjedhur në banesën e shtetasit L. C.;

– Më datë 15.07.2022, kanë vjedhur në banesën e shtetasit A. K.;

– Më datë 06.08.2022, kanë vjedhur në banesën e shtetasit A. D.;

– Më datë 03.10.2022, kanë vjedhur në banesën e shtetasit A. Z.;

– Më datë 05.11.2022, kanë vjedhur nl banesën e shtetasit A. B.;

– Më datë 10.11.2022, kanë vjedhur në banesën e shtetasit A. N.;

– Më datë 23.11.2022, kanë vjedhur nl banesën e shtetasit B. M.;

– Më datë 30.12.2022, kanë vjedhur në banesën e shtetasit E. Gj.

Në cilësinë e provës materiale janë sekuestruar 2 aparate celulare dhe çelësa që autorët i përdornin gjatë kryerjes së vjedhjeve.

Vijon puna për kapjen e bashkëpunëtorit të shpallur në kërkim, identifikimin e personave të tjerë të përfshirë në këtë veprimtari kriminale, si dhe dokumentimin e rasteve të tjera të vjedhjes që mund të jenë kryer nga këta shtetas.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.

Kronike dyer te blinduara hajdut" klonim celesi