Gjykata e Posaçme rikonfirmon masat e sigurisë “arrest në burg” për 10 personat e arrestuar për laboratorin e Fierit. Personi që akuzohet se ka porositur plehun organik nga Kolumbia, Zenel Çervenaku, ka pretenduar se nuk ka pasur asnjë dijeni për sasinë e lëndës narkotike nëpër thasë.
Edhe personat e tjerë të arrestuar kanë mohuar akuzat para gjykatës dhe nuk kanë pretenduar se nuk kanë asnjë dijeni për aktivitet të paligjshëm. Ndërkohë, mbrojtja argumentoi se klientët e tyre duhet të liheshin të lirë pasi në banesën ku janë gjetur thasët e plehut, nuk kemi të bëjmë me laborator droge dhe nuk kanë akt-ekspertim që të vërtetoj se brenda plehut ka kokainë. Përveç 10 personave të arrestuar, në kërkim janë edhe disa persona të tjerë.
Prokuroria e Posaçme bëri të ditur dje se sasia e drogës e cila dyshohet se ishte përzier në 24 tonë pleh kimik mund të arrijë në 430 kilogramë kokainë dhe vlera e saj në treg, sipas prokurorëve shkon në 40 milion euro.
Krahas ish-kreut të komunës së Fratarit në Fier, Viktor Cernavaku, mes personave në hetim është edhe djalin i tij, Denilson Cervanku, i cili rezulton i federuar edhe si futbollist si dhe e fejuara e tij Enxhi Ferhati. 25-vjeçari ka qenë pjesë e ekipit të Dinamos dhe disa klubeve të tjera. Karrierën në sport e ka nisur në vitin 2013 dhe e ka mbyllur në vitin 2017.
Po ashtu, të arrestuar janë edhe Zenel Cervanaku, Denilson Cervanaku, Nikolin Gjolena, Klajdi Vrioni (Kodra), Julian Malaj, Redian Meshi, Bledar Matoshi, Marildo Rona.
Personi që dyshohet se ka rol kyç në këtë veprimtari është Klajdi Kodra i cili njihet edhe me mbiemrin Vironi. Sipas të dhënave të policisë ai është i pari i arrestuar për laboratorin e kokainës. Sipas përgjimeve Kodra kishte marrë përsipër të ruante ngarkesën dhe të shiste drogën, ndërkohë që u arrestua në rrugën e Arbrit më dy pistoleta.
Nga ana tjetër, është shpallur në kërkim kolumbiani Zaimir Rodrigez. Roli i tij në laboratorin e drogës ishte që të bënte ndarjen e kokainës nga plehu kimik, bashkë me dy të tjerë, janë të specializuar për ta nxjerrë lëndën narkotike nga çdo përzierje tjetër, përfshi edhe nga rrobat.
