Blerim Vela, shef i kabinetit të presidentes, Vjosa Osmani, ka thënë se regjimi i Serbisë po e kërcënon hapur Kosovën.
Kjo pas, drejtori i së ashtuquajturës “Zyre për Kosovën”, Petar Petkoviç, ka thënë se do ta shqyrtojnë mundësinë që në Kosovë t’i dërgojnë 1 mijë pjesëtarë të sigurisë, duke iu referuar rezolutën 12/44 të Kombeve të Bashkuara.
Vela thotë se Serbia dëshiron të kryej agresion në Kosovë.
“Regjimi i Serbisë po kalon nga veprimet e fshehta të dhunshme të strukturave të tij ilegale në Kosovë. Në kërcënimin e hapur për të përdorur forcat policore për të kryer agresion kundër Kosovës. Sipas librit të lojërave të Rusisë, ky është një kërcënim flagrant për të rrezikuar paqen dhe stabilitetin në Kosovës dhe rajon dhe më gjerë”, ka shkruar Vela.
Situata në Veriun e Kosovë është tensionuar. Policia e ka shtuar prezencën, ndërkaq një polici në Veri është plagosur.
