Gazetari Frrok Çupi ka folur për raportet që ka pasur dikur me Sali Berishën. Duke folur në “Vizion Plus”, Çupi tha se ai është po i njëjti individ. Sipas tij, komplekset e kanë kthyer atë në një vrasës dhe manipulator.
Gazetari deklaroi se ka qenë pjesë e rrethit të tij familjar, por kurrë nuk do flasë se si ishte Berisha në familje.
“Unë kurrë nuk kam dyshuar se Berisha mund të ndryshojë, arsyet janë të thjeshta dhe njerëzore. Në radhë të parë është kompleksi i inferioritetit. Edhe pasi e kaloi rininë dhe u afrua me Byronë politike, Berisha nuk qe në gjendje të hapej, të kalonte komlekset. Komplekset e inferioritetit e bëjnë atë vrasës, manipulator, të gjitha të zezat që ka. Komplekset e inferioritetit i vinin për arsye madhore të prejardhjes së tij të cilat nuk arriti t’i kalojë. Të gjithë kemi ardhur nga një vend, por ai nuk i kapërceu. Pjesëtarët e rrethit të tij familjar, unë kam qenë vet në familjen e tij dhe nuk kam folur kurrë dhe nuk flas kurrë sa të kem jetën. Por rrethi i tij ka qenë një gjë tjetër”, tha ai.
Çupi ka renditur një sërë arsyesh, që sipas tij e kanë kthyer Berishën në individin që është sot. Gazetari ka rrëfyer lidhjet me islamikët dhe planet për të bombarduar Vlorën në 1997.
“Arsye të tjera. Berisha hyri në mëkat shumë shpejt, që para se të merrte pushtetin. Ai lidhi aleanca me islamistët terroristë, cenoi jetën e bashkëpunëtorëve të tij, eliminoi gjithë dëshmitarët dhe ai nuk del më kurrë nga kompleksi i gjakut i vrasjes. E treta, Berisha ndërtoi një rreth të manipuluar prej tij, i cili është një gardh dhe kurrë nuk del më prej tij. Sot nuk ka më rrezik sepse është i kontrolluar nga Amerika, por nga ai rreth nuk del. Berishës i ra të fikët në sheshin e Flamurit në Vlorë. Ai nuk e kishte përfytyruar kurrë se do të dilte nga rrethi i tij. Ai e konsideronte Vlorën armike dhe mendonte se në atë moment do ta vrisnin dhe i ra të fikët, u shemb sepse doli nga kafazi”, tha ai.
Sipas Çupit, Berisha ka një neveri shumë të madhe për jugun e Shqipërisë. Ai ka rrëfyer momente nga bisedat kur kanë qenë miq.
“Në kohën kur ishim miq, rrinin bashkë dhe po shkonim në dhjetor të ’90. Ishte ditë me shi. Më tha Frrok kam një muhabet. Lëre punën dhe merru me partinë sepse në radhë të parë do e lija unë punën, por fëmijët e mi nuk janë mësuar të vuajnë ndërsa fëmijët e tu po, edhe mund ta kapërcesh. E dyta nuk kam dorëzuar teserën e partisë. Doktor kujt ia thua këtë. Mos më thua për Gramoz Ruçin?
Po më tha nuk punoj dot. I thashë këtë nuk dua të dëgjoj të ma thuash këta dhe ne sepse ne nuk bëjmë dot pa këta dhe këta pa ne. Ai ka një varësi të jashtëzakonshëm tek geni, d.m.th është suui prapambetje në reflekset e tij, dhe kjo i është kthyer në urrejtje tani. Por një politikan që premton se do bëj një gjë dhe që është i ngarkuar me urrejtje harroje se mund ta bëjë këtë gjë”, u shpreh Çupi
