Shefi i organizimit në PD Klevis Balliu ka komentuar ngjarjen e rëndë që tronditi degën e PD-së në Kurbin ditën e sotme. Gjatë emisionit “Open” në News 24, Balliu ka deklaruar se kjo është një ngjarje e pajustifikueshme.
Po ashtu ai ka theksuar se është e rëndë jo vetëm për faktin e armëmbajtjes por edhe të gjuajtjes.
“Cilado qoftë arsyeja , jo vetëm që është shtënë në ajër, por vetëm mbajtja e armës në mbledhje është e rëndë. Do ndërmarrin hapat tona si subjekt. Nuk ka asnjë justifikim sidomos për PD. Asgjë nuk e justifikon, kjo është një çështje parimesh. Në Kurbin ka një mirëkuptim edhe për problemet që ka pasur PD ndaj jam i habitur. Duhet parë si ka ndodhur ngjarja dhe gjendja në të cilën ka qenë personi. Megjithatë është e pajustifikueshme. Për PD këto janë një çështje me të cilat nuk ka shaka”, u shpreh Balliu.
