Barcelona ishte zgjedhur këtë vit për mbajtjen e konferencës më prestigjoze të celularëve në botë (MWC). GSMA përfaqëson interesat e kompanive celulare në të gjithë botën, duke bashkuar kështu më shumë se 750 operatorë telefonikë, 400 kompani celularësh, si dhe organizata të tjera brenda industrisë së informacionit dhe teknologjisë. Eventet organizohen çdo vit në Barcelonë, Shanghai dhe Los Angeles.
Për të ruajtur një mjedis të sigurtë dhe të shëndetshëm për të gjithë pjesëmarrësit, sidomos të vendit mikpritës, GSMA ka anulluar eventin “Barcelona 2020”. Zhvillimi i kësaj konference në periudhën e shpërthimit të koronavirusit përbën rrezik si pasojë e numrit të lartë të pjesëmarrësëve, që shkon deri në 100.000, 6.000 prej të cilëve udhëtojnë nga Kina.
Frikën ndaj koronavirusit e kanë shprehur dhe kompanitë më të fuqishme teknologjike si Facebook, LG, Nokia, Vodafone dhe Sony. Koronavirus shënon këtë kongres si viktimë të rradhës, viktimë e rrethanave jashtë kompetencave dhe kontrollit te saj, duke nënvlerësuar mundin, kohën dhe investimet financiare të ndërmarrjeve të vogla, që përgatiten gjithë vitin për këtë ngjarje.
Bota
