Për ndër të 28 Nëntorit, kryetari i Kuvendit të Kosovës, Glauk Konjufca dhe homologia e tij nga Shqipëria, Lindita Nikolla, kanë bërë homazhe te busti i heroit kombëtar, Adem Jashari, në Tiranë.
Këtë e bëri të ditur vetë Konjufca, i cili me anë të disa fotografive të ndara në rrjetet sociale, e ka uruar festën e 28 Nëntorit.
“Me kryetaren, Lindita Nikolla, në këtë mëngjes të 28 Nëntorit në Tiranë për homazhe te busti i komandantit tonë legjendar, heroit Adem Jashari. Urime Dita e Flamurit!”, ka shkruar Konjufca në Facebook.
Komandanti legjendar, Adem Jashari, do të festonte ditëlindjen e 57-të sot po të ishte gjallë.
Ai dhe e gjithë familja Jashari janë flijuar për lirinë e vendit 23 vjet më parë.
