Politike23 Qershor 2022, 16:33

"Kosova është Kosovë dhe pikë"! Rama: Prania e Prishtinës në "Ballkanin e Hapur", siklet i Vuçiçit

Shkruar nga Pamfleti
"Kosova është Kosovë dhe pikë"! Rama: Prania e

"Kosova është Kosovë dhe pikë"! Rama: Prania e Prishtinës në "Ballkanin e Hapur", siklet i Vuçiçit

Samiti i BE-së ka përfunduar në ‘Ballkani i Hapur’, ndërsa Emmanuel Macron, Charles Michel dhe Ursula von der Leyen kanë hezituar të marrën pjesë në konferencën e përbashkët për shtyp pas takimit, për të dhënë sqarime mbi rezultatet negative sa i përket çeljes së negociatave për Shqipërinë dhe Maqedoninë e Veriut, dhënien e statusit kandidat për Bosnje-Hercegovinën apo liberalizimin e vizave për Kosovën.

Gjatë fjalës së mbajtur krah liderëve të Ballkanit të Hapur, Vuçiç dhe Kovaçevski, Rama i ka bërë thirrje Kosovës që t’i bashkohet nismës rajonale, për benefitet që ajo sjellë, duke ua ka lehtësuar jetën qytetarëve.

Në daljen publike në Bruksel, Rama nuk i ka kapërdirë tonet sarkastike të liderit serb për të “ashtuquajturën Kosovë”, duke i bërë të qartë qe quhet “Kosovë dhe pikë”. Sipas kreut të qeverisë shqiptare, prania e Kosovës në “Ballkanin e Hapur” nuk duhet të ishte problem i saj, por siklet i Vuçiçit.

“Përmendët a do të behet një bashkëpunim rajonal. Më duhet t’iu them që Ballkani i Hapur është bashkëpunimi, mekanizmi i parë vërtetë rajonal. Pse e them? Se po prodhon rezultate për njerëzit, fermerët tregtarët. nëse doni të kontrolloni duke qenë se Ballkani nuk është vendi i Jezu Krishtit, është i Shën Thomait, nuk besojmë nëse nuk vëmë dorën ën plagë. Shkoni në kufi dhe shikoni ndryshimin, ka një korridor të gjelbër dhe nuk ka asnjë sekondë pritje për kamionët mallrat, prodhimet bujqësore. ndërkohë nëse e ço qumështin në vende që nuk janë pjesë e Ballkanit, është bërë kos. Është një tryezë e hapur për këdo. Aleksandri e quajti e ashtuquajtura Kosovë, unë e quaj Kosovë dhe pikë. Ky është një projekt. Nuk duhet të jetë problemi i qeverisë së Kosovës për të ardhur, por duhet të kishte qenë problemi i presidentit të Serbisë për të pranuar. Ndihem i privilegjuar të punoj përmes këtij mekanizmi që do sjellë edhe paqen, kjo paqe do të vijë përmes Ballkanit të Hapur”, tha Rama.

Politike #Ballkani i hapur Kosova Rama