Kosova të martën do të vizitohet nga presidentja e Hungarisë, Katalin Novak.
Këtë e ka konfirmuar Ministria e Punëve të Jashtme dhe Diasporës (MPJD), të hënën.
Ajo në ora 9 të mëngjesit do të mbërrijë në Kosovë – do të pritet nga ministrja e MPJD-së, Donika Gërvalla.
“Nesër në Republikën e Kosovës do të qëndrojë për vizitë presidentja e Hungarisë –shkëlqesia e saj, znj.Katalin Novak. Delegacioni hungarez do të pritet në aeroport nga zëvendëskryeministrja, njëherësh ministrja e Punëve të Jashtme dhe Diasporës, znj.Donika Gërvalla-Schëarz”, thuhet nga MPJD.
Hungaria është një nga shtetet që e kanë njohur pavarësinë e Kosovës.