Kosova po përballet me një rritje të përballueshme të çmimeve. Çmimet e produkteve ushqimore kanë arritur kulmin e ngritjes. Shporta familjare është dhjetëfishuar. Qytetarët cilësojnë se ju është vështirësuar jeta. Ata nuk mund të sigurojnë qoftë edhe produktet elementare, duke përfshirë bukën dhe ilaqet. E mos të flasim kur është fjala, për produket shtesë që janë mëse të domosdoshme për jetën. Shtrënjëtim i jashtëzakonshëm vërehet edhe tek materialet ndërtimore. Gjë e cila tanimë shumicës së njerëzve ju pamundëson blerjen e një banese apo shtëpije. Ngritje enorme edhe për kujdesin ndaj fëmijëve. Qumështi formulë është ngritur minimum për 10 përqind, janë rritur edhe çmimet për çerdhet private.
E kjo nuk mbaron këtu, ngritje edhe më të mëdha janë paralajmëruar në vjeshtë. Këtë gjë bëri të ditur Ministrja e Ministrisë së Industrisë, Ndërmarrësisë dhe Tregtisë, Rozeta Hajdari. Ajo në studion e njërit nga televizionet e Kosovës ka folur se a mund të ketë rritje të çmimeve në vjeshtë.
“Ne nuk mund ta parashikojmë rritjen, ka statistika që thuhet se ndoshta në vjeshtë mund të ketë rritje por ndoshta nuk mund të ketë rritje sepse nuk e ke paraparë luftën”, ka thënë ajo.
E pyetur se cili është plani tjetër pasi janë të vetëdijshëm se një krizë tjetër mund të vijë në vjeshtë, Hajdari tha se “sikur të isha me shumë miliarda në Kosovë do të kisha vepruar shumë lehtë, të mbushi arkën e shtetit me të gjitha furnizimet dhe ta sigurojë tregun e Kosovës”.
“Gjithçka shkon në mundësinë e buxhetit, sa të kemi buxhet kemi mundësi të zhvillojmë edhe masa dhe paketa përkrahëse. Sa të kemi buxhet kemi mundësi të jemi edhe pjesë e stabilizimit të tregut. Por çka mundemi tani për tani të veprojmë, të ndalim lojën e pafavorshme dhe lojën jo fer të lojtarëve që janë spekulant në treg”, ka deklaruar Hajdari.
