Aktualitet 1 Dhjetor 2022, 21:17

Kreshnik Spahiu: Biseda Rama-Sunak e kamufluar dhe negative për shqiptarët

Shkruar nga Pamfleti
Kreshnik Spahiu: Biseda Rama-Sunak e kamufluar dhe negative për

Kreshnik Spahiu: Biseda Rama-Sunak e kamufluar dhe negative për shqiptarët

Juristi Kreshnik Spahiu e konsideron “të kamufluar dhe negative” për shqiptarët, bisedën telefonike që kryeministri Edi Rama pati këtë të enjte me homologun britanik, Rishi Sunak.

Përmes një interviste për Euronews Albania, Spahiu tha se temë kryesore e bisedës, ishte realizimi i një marrëveshjeje për të parandaluar azilkërkuesit dhe mundësinë e kthimit të tyre. Sipas juristit, në thelb nuk parashtrohet asnjë strategji apo plan për realizmin e të drejtave të  të emigracionit.

“I gjithë gjykimi që mund të bëjmë për telefonatën e kryeministrit shqiptar me homologun britanik, është një gjykim që e bëjmë bazuar në atë çfarë ka publikuar shtypi dhe media britanike. Mendoj që është një bisedë e kamufluar, e cila fillimisht në deklaratë parashtrohet sikur është një telefonatë bashkëpunimi për ekonominë, sigurinë apo për luftën kundër krimit kibernetik.

Më pas, dilet direkt në temë, e cila mendoj se është arsyeja kryesore e telefonatës, është mundësia për realizimin e një marrëveshjeje për të parandaluar azilkërkuesit dhe mundësinë e kthimit të tyre. Mendoj se në tërësinë e vet, kjo është një bisedë negative për shqiptarët dhe e disfavorshme për ta. Për faktin sepse, në thelb nuk parashtrohet asnjë strategji apo plan për realizmin e të drejtave të tyre të emigracionit”, theksoi Spahiu.

Çështja e emigrantëve ilegalë që shkojnë me gomone nga Shqipëria drejt Anglisë ka hapur edhe një debat publik pas reagimit të kryeministrit Rama pak kohë më parë, që akuzoi Britaninë se po bën kokë turku emigrantët shqiptarë për ‘politikat e veta të dështuara për kufijtë dhe migracionin’.

Përfaqësues të lartë të politikës britanike kanë sulmuar herë pas here me deklaratat e tyre publike emigrantët ilegalë shqiptarë.

Aktualitet Kreshnik Spahiu