Dokument/ Ky është financimi i parë në Kruj, që po bënë ministria e Mjedisit nga taksat publike; ndërsa brenda muajit prill 2021, do bëhen edhe 11 tendera të tjerë me vlerë totale 3.4 milionë Euro në qarqet Tiranë, Korçë, Elbasan, Vlorë, Lezhë, Kukës, Shkodër, Gjirokastër, për ri-pyllëzimin e kodrave që kanë shkatërruar oligarkët e ndërtimit; të cilët, megjithëse më 11 mars 2018 është vendosur moratorium, ata vazhdojnë me lejim në heshtje nga vetë ministrat Blendi Klosi e Belinda Balluku
Këtë javë, Agjencia Kombëtare e Zonave të Mbrojtura e ka shpallur njoftimin e tenderit të parë 350 milionë lekë me TVSH, për rehabilitimin mjedisor me ri-pyllëzim, të zonës Krast-Vrion në Krujë, tashmë të zhdukur plotësisht në 60% të sipërfaqes së saj.
Këto biznese, janë licensuar nga vetë qeveria dhe paguajnë në shtet, vetëm 1% të vlerës financiare që nxjerrin nga prodhimi i guroreve e asnjë taksë tjetër; me kushtin që pas shfrytëzimit të zonës, guroren ta ri-pyllëzojnë me shpenzimet e tyre.
Mirëpo tenderi 350 milionë lekë, i shpallur më 18 janar 2021 nga Agjencia Kombëtare e Zonave të Mbrojtura, tregon se rehablitim-gjelbërimin e gruroreve në kodrat e Krujës; nuk do ta paguajnë firmat që i shkatërruan e nxorrën miliarda lekë fitime, por nga taksat e shqiptarëve.
Ligji mjedisor në fuqi dhe ligji për lejet minerare (gurore), detyron firmat e shfrytëzimit, të bëjnë këto investime ri-gjelbërimi zonash; por babloku është mbi ligjin dhe ka urdhëruar t’i paguajnë shqiptarët, mbasi shkatërrues janë bosët e gurorëve ndërtues të lidhur me shefat e politikës.
Ja cilët biznese e kanë shkatërruar zonën Krastë-Vrion të Krujës me gurore:
Bashkim Ulaj/ Gurore 18 hektarë, me leje Nr. 1045; me leje Nr. 1072; me leje Nr. 1394; me leje Nr. 795/1, me leje Nr. 796/1, me leje Nr. 1458; me leje Nr. 1073; por faktikisht ka zaptuar e shfrytëzuar 42 hektarë.
Pëllumb Salillari/ Gurore 9 hektarë, me leje Nr. 597/1; me leje 666/1, me leje 736; por ka zaptuar e shfrytëzuar 28 hektarë.
Ndriçim Babasi/ Gurore 14 hektarë, me leje Nr. 1775; me leje 1166; me leje 899; me leje 900; por faktikisht ka zaptuar e shfrytëzuar 31 hektarë.
Fatmir Kuçi (Victoria Invest)/ Gurore 1 hektarë, me leje Nr. 1675,; por faktikisht ka zaptuar e shfrytëzuar dhe po zhfrytëzon 7 hektarë.
Këto leje janë vetëm në zonën Krastë-Vrion të Krujës, mbasi këto firma kanë edhe nga 10-20 leje të tjera për biznese gruroreje në Tiranë, Shkodër, Kukës, Dibër, Vlorë, Berat, Elbasan etj.
Çuditërisht guroret e Salillarit, Ulajt, Babasit e Kuçit të Lulit, po vazhdojnë aktivitetin në këtë zonë të Krujës dhe në zona të tjera të saj; megjithëse është në fuqi Urdhri Nr. 67, datë 11.03.2018 i ministrit Blendi Klosi “Për ndalimin e shfrytëzimit dhe planet rehabilituese në gurore”.
Në nenin 8 të Urdhërit, përcaktohet ky detyrim: “Firmat që shfrytëzojnë guroret, brenda vitit të parë të shfrytëzimit, duhet të rehabilitojnë 100% sipërfaqet e shfrytëzuara, me projekt të miratuar e mbikëqyrur nga Agjencia Kombëtare e Mbjedisit”.
FAKTI/ Agjencia Kombëtare e Mbjedisit e ka bërë planin rehabilitues të guroreve në zonën Vrion-Krastë të Krujës; por ri-gjelbërimin e tyre, nuk do ta bëjnë oligarkët që e shkatërruan dhe nxorrën miliarda lekë fitime pa taksa, por do bëhet me taksat e shqiptarëve. Kështu ka vendosur Babloku. /Pamfleti
