Kukësi ka arritur të marë një fitore tepër të rëndësishme teksa ka mposhtur 2-0 skuadrën e Egnatias.
Për skuadrën verilindore realizuan dy blerjet e verës, Edi Basha në minutën e 53 dhe kapakun kësaj sfide e vulosi Luka Milunoviç në minutën e 84.
Një fitore e rëndësishme kjo për Kukësin pas ndalesës së Tiranës ndaj Skënderbeut, teksa i shkojnë bardhebluve në -1 pikë me kreun e klasifikimit, ndërsa ekipi rrogozhinas renditet në vendin e 8 në kuotën e 11 pikëve.
Në ndeshjen tjetër, Dinamo ka marrë 3 pikë të vuajtura në një sfidë ku portieri Edvan Bakaj ishte vendimtarë me ndërhyrje e tij.
Sfida u vendos nga kapiteni Agim Ibraimi që realizoi një perlë nga goditja e këndit në minutën e 66.
Fundi i takimit ishte vërtetë dramatik, pasi u akordua një penallti në favor të Kastriotit, por gjyqtari Kridens Meta iu drejtua vetë VAR-it, duke e korrigjuar penalltinë me një faull në limite dhe karton të kuq për Edi Maliqin.
Kastrioti provoi me të gjitha forcat në fundin e ndeshjes, por heroi ishte Edvan Bakaj që bëri dy superpritje në fund. 3 pikë që çlirojnë trajnerin Bledi Shkëmbi që shikon ekipin të fitojë pas disa rezultateve jo të mira.
