Nuk e kanë mendjen tek varfëria dhe jeta e popullit në këtë kohë kolere, por tek luksi, pazaret dhe “thelat” e tyre
Në këtë situatë të rëndë sociale-financiare, kur ekonomia shqiptare po bie keqas; kur borxhi po rritet e qeveria nuk ka fonde për të blerë teste, tamponë, ilaçe e pajisje “Covid”, kryetari i Kuvendit, Gramoz Ruçi, e ka bërë mendjen “dyst”, për tendera rehatie e luksi zyrtarësh.
Nëpërmjet shpalljes në APP, Ruçi ka porositur blerjen e 1 Autoveture tip “SUV LWB” me fond 66 milionë lekë të vjetra me TVSH; të 1 Minibusi lloji “13/14+1” vende me fond 73.2 milionë lekë të vjetra me TVSH; dhe të 1 motorçikletë “50 cc”, fond 24 milionë lekë të vjetra me TVSH.
Këto automjete, duhet të dorëzohen në datën 31 dhjetor 2020; ndoshta si “qokë” ndaj miqve për natën e Vitit të Ri, ndërsa ajo që nuk sqarohet në tender, është enigma se përse i duhet Kryesisë së Kuvendit… motorçikleta./Pamfleti
