Meta është prej kohësh, minues i sigurisë juridike dhe asaj kombëtare të Shqipërisë. Meta është një nga sfidat e para dhe kryesore, ku do të testohet ky sistem drejtësie.
Shkruan Romeo Kara
Nëse ka një kokë që punon 24 orë për poshtërsira, ajo është koka e Metës. Lakmitar, pazarxhi, i paskrupullt, kalkulues dhe i pabesë.
Ky është Meta.
Mjafton të shikosh pamjet filmike të datëlindjes se famshme te tij tek Gjiri i Lalzit, për ta kuptuar dhe besuar se, nuk ka njohës dhe konfident më të madh se ai të krimit shqiptar.
Disa nga bashkëpunëtorët e tij, çuditshëm u larguan nga kjo jetë.
Eduart Belegu (prej vitesh i zhdukur, këshilltar në Ministrinë e Ekonomisë);
Qazim Tepshi (ish ambasador në Prage i përfshirë në aferën DIA);
Dritan Prifti (denoncues i Metës);
Mirjan Kapo (akuzator publik dhe zyrtar i tij);
Dash Shena (i akuzuar nga Mirjan Kapo si bashkëpunëtor i Metës nëpër afera).
Secili prej tyre u largua apo u zhduk përpara kohe nga kjo jetë, pikërisht pasi u konfliktuan me të, lidhur me pazaret e tij. Nuk po flasim për viktima të mundshme, që janë konfliktuar me të, pa qenë më parë bashkëpunëtorë të tij. I pashprese, u përpoq ta destabilizonte me gjak këtë vend, pikërisht pak përpara zgjedhjeve të 25 prillit 2021.
Thirrjet e tij për rrëmbimin e sëpatave dhe sfurqeve, nuk ishin pa një qellim dhe fjalë thjesht emocionale të frymëzuara nga Fahriu. As 19 baza me 5000 armë të kalibrave të ndryshëm, të murosura dhe të kapura pak përpara zgjedhjeve, nuk janë rastësi, ashtu siç nuk është rastësi heshtja totale për to dhe çakërdisja publike e Metës tek SYRI i Pekes.
Meta është prej kohesh, minues i sigurisë juridike dhe asaj kombëtare të Shqipërisë. Meta është një nga sfidat e para dhe kryesore, ku do te testohet ky sistem drejtësie.
