Sport 9 Tetor 2022, 20:54

Lamtumirë Edi Reja! Trajneri shqiptar merr “timonin” e kombëtares, "Wikipedia" po ‘çmend’ tifozët (Foto)

Shkruar nga Pamfleti
Lamtumirë Edi Reja! Trajneri shqiptar merr “timonin” e

Lamtumirë Edi Reja! Trajneri shqiptar merr “timonin” e kombëtares, "Wikipedia" po ‘çmend’ tifozët (Foto)

Shqipëria mësoi sot grupin eliminator për kualifikueset e “EURO 2024”, teksa fati i buzëqeshi kuqezinjve, pasi do të luajnë në një grup me 5 ekipe, ku bëjnë pjesë Polonia, Çekia, Ishujt Faraore dhe Moldavia. 

Por teksa shorti ishte pozitiv dhe po aq pozitive janë edhe performancat e legjionarëve në klubet e tyre në Europë, stoli i kombëtares nuk ka qetësinë që të gjithë do të donin. 

Edi Reja është një trajner në largim, pasi në nëntor i skadon kontrata me FSHF-në dhe të gjithë do të donin një fytyrë të re si “timonier” të kuqezinjve. 

Emri që po përflitet është ai i Ilir Dajës, tekniku që po shkruan historinë me ekipin e “Ballkanit” nga Suhareka, me 4 pikë në grupin e tyre në Ligën e Konferencës. 

Fansat e futbollit e kuotojnë Dajën si favoritin dhe njeriun e duhur për të pasuar Rejan në stol dhe duket se portali i njohur i informacioneve, “Wikipedia” i ka dëgjuar thirrjet e tyre. 

Në versionin italisht dhe atë anglisht, portali shkruan se trajneri i Kombëtares nuk është më tekniku italian, por Ilir Daja. 

“Panorama Sport” ka siguruar një foto të asaj që mendohet të jetë një gabim nga ana e “Wikipedia”, pasi ashtu siç dihet çdo kush mund të shtojë informacione në këtë faqe. 

Sport Ilir Daja Kombetarja Shqiptare