Ministri i Jashtëm rus Sergei Lavrov ka akuzuar Perëndimin se pengoi negociatat me Ukrainën. Pas një tkimi me homologun afrikano-jugor, ai tha se e Moska ishte e gatshme të negocionte me Ukrainën në muajt e parë të luftës, por SHBA dhe vendet e tjera perëndimore e këshilluan Kievin të mos pranonte.
“Dihet mirë se ne mbështetëm propozimin e palës ukrainase për të negociuar në fillim të operacionit special ushtarak dhe deri në fund të marsit të dy delegacionet ranë dakord në parim për zgjidhjen e këtij konflikti. Dihet mirë dhe u publikua hapur se kolegët tanë amerikanë, britanikë dhe disa evropianë i thanë Ukrainës se ishte shumë herët për të negociuar dhe marrëveshja për të cilën pothuajse u ra dakord nuk u rishikua kurrë nga regjimi i Kievit“, tha Lavrov.
Vërejtjet e Lavrov ishin të ngjashme me ato të bëra vitin e kaluar nga Presidenti Vladimir Putin se vendi i tij ishte gati për bisedime, por aleatët perëndimorë të Ukrainës i penguan ato të ndodhnin.
Lavrov ishte në Pretoria për bisedime me homologun e tij afrikano-jugor Naledi Pandor, ndërsa Rusia po përpiqet të forcojë lidhjet me vendin më të zhvilluar të Afrikës dhe një aleat historik. Afrika e Jugut shihej si më e rëndësishmja nga disa vende afrikane për të mbajtur një qëndrim neutral ndaj luftës.
