Në kudër të nismës së Këshillimit Kombëtar, Kryeministri Edi Rama ka publikuar pyetjen e gjashtë, për të cilën kërkon mendimin e shqiptarëve. Ajo që bie në sy është se kjo pyetje ka të bëjë me legalizimin e kanabisit në vendin tonë për qëllime mjekësore dhe studimore.
“Ka njerëz që thonë se Shqipëria duhet të lejojë kultivimin, përpunimin dhe eksportimin e kontrolluar nga shteti të kanabisit për qëllime mjekësore, pa e legalizuar për arsye përdorimi vetjak. Të tjerë thonë që kanabisi nuk duhet të lejohet as për qëllime mjekësore. Si mendoni ju?”, është pyetja që u drejtohet qytetarëve, teksa, kjo është një nga çështjet më të debatuara në vend.
“KËSHILLIMI KOMBËTAR / PYETJA 6
Për të ecur më shpejt e për t’u ngjitur lart, kemi nevojë të lëmë pas krahëve llogoret përçarëse të partive dhe të dëgjojmë më shumë njëri-tjetrin! Ju ftoj të gjithëve të jepni opinionin tuaj në këtë proces popullor që zhvillohet për herë të parë dhe është i hapur për çdo shqiptar, kudoqoftë jeton e banon, pavarësisht bindjeve e simpative politike, duke klikuar si vijon”, shkruan Rama teksa shpërndan linkun për plotësimin e pyetsorit online.
Për të rejat më të fundit behuni pjesë e grupit tonë VIRAL në facebook : PAMFLETI
