Shkruar nga Pamfleti
Një thirrje drejtuar Perëndimit e nënshkruar me gjakun e tyre. Kështu mund të lexohet një letër që ushtarët ukrainas në Odesës i kanë drejtuar Gjykatës Evropiane të të Drejtave të Njeriut.
Në letër shprehet irritimi i tyre me BE, SHBA dhe të gjitha shtetet e tjera që refuzuan të ndërhyjnë ushtarakisht në Ukrainë. Ushtarët shprehen se ata po japin jetën e tyre në mënyrë që agresioni rus të mos trokasë në dyert e BE-së.
“Dobësia e liderëve të SHBA-së dhe vendeve të BE-së i kushton Ukrainës qindra jetë ushtarakësh dhe civilësh çdo ditë. Për këtë arsye ne e shkruam me gjakun tonë këtë apel për Gjykatën Evropiane të të Drejtave të Njeriut sepse sot po ndalojmë një agresion të drejtuar ndaj jush, duke e paguar me jetën tonë”, thuhet në letër.
Më tej ata kërkojnë që të merret vendimi për të krijuar një zonë ndalim-fluturimi mbi Ukrainë. “Ukraina ka nevojë që qielli të bëhet i sigurt”, shkruajnë ata.
