Kosova29 Qershor 2022, 22:13

Letërnjoftimet dhe targat e Serbisë në këndvështrimin e Kurtit

Shkruar nga Pamfleti
Letërnjoftimet dhe targat e Serbisë në këndvështrimin e

Kryeministri i Kosovës, Albin Kurti, ka thënë se vendimi i Qeverisë për regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA”, ka karakter të papërsëritshëm pas përfundimit të periudhës së vlefshmërisë.

Ai, me anë të një postimi në rrjetin social Facebook, ka deklaruar se periudha e regjistrimit do të fillojë nga 1 gusht deri më 31 shtator 2022, transmeton Pamfleti.

Në mbledhjen e qeverisë u miratuan edhe dy vendime të tjera, njëri ka të bëjë me kalimin kufitar në Kosovë për shtetasit serbë.

“Me vendim të qeverisë sot rregulluam kalimin e kufirit shtetëror për qytetarët me dokumente personale të lëshuara nga autoritetet e Serbisë, si dhe veturat me targa të regjistrimit të Serbisë. Çdo person që paraqitet për kalim të kufirit shtetëror me dokument të identifikimit personal të lëshuar nga autoritetet e Serbisë, në pikë-kalimet kufitare do të pajiset me një fletë-deklarim që përkohësisht e zëvendëson përdorimin e dokumentit të tillë”.

“Ndërsa automjetet me targa të regjistrimit të Serbisë që paraqiten për kalim të kufirit shtetëror dhe kanë për qëllim të lëvizin në territorin e Republikës së Kosovës, duhet të vazhdojnë të kenë të vendosur ngjitësin në pjesën e simboleve dhe emërtimit shtetëror. Ky mekanizëm do të vlejë deri me 31 tetor 2022”.

“Ndërkaq përmes një vendimi tjetër në mbledhjen e sotme mundësuam regjistrimin e automjeteve me targa RKS për të gjitha automjetet e pajisura me targat “PR”, “KM”, “PZ”, “GL”, “UR”, “PE”, “DA” apo “ĐA” nga 10 qershori 1999 deri më datë 21 prill 2022. Regjistrimi do të fillojë më 1 gusht 2022 dhe do të zgjasë deri më 31 shtator 2022. Ky vendim ka karakter të papërsëritshëm pas përfundimit të periudhës së vlefshmërisë”, ka thënë Kurti, transmeton Pamfleti.

Prishtine