Aktualitet 9 Maj 2019, 08:41

Lot e dhimbje! Sot mbërrin në atdhe trupi i pajetë i ushtarakes që humbi jetën në Letoni

Shkruar nga Pamfleti
Lot e dhimbje! Sot mbërrin në atdhe trupi i pajetë i ushtarakes

Trupi i pajetë i ushtarakes 32-vjeçare, Zarife Hasanaj, që humbi tragjikisht jetën ditën e hënë, pas një shpërthimi në bazën Adaze, në Letoni, do të mbërrijë ditën e sotme në atdhe.

Mësohet se në orën 12:45 do të organizohet ceremonia e pritjes së trupit të pajetë të nëntetares në Rinas.

Ndërkohë që nesër, ora 10-11.30 në hollin e Pallatit të Kongreseve do të zhvillohen homazhet për nder të ushtarakes së Forcave të Armatosura dhe në 11.45-12.30 ceremonia shtetërore me pjesëmarrjen e përfaqësuesve të lartë të shtetit.

Një incident tragjik gjatë çmontimit të një mine, i mori jetën ushtarakes shqiptare, Zerife Hasanajt, pjesë e misionit të NATO-s në Letoni, ndërsa dy ushtarakë mbetën të plagosur, major Klodian Tanushi 39 vjeç në gjendje të rëndë dhe rreshter Julian Kapaj 41 vjeç, jashtë rrezikut për jetën. Zarife Hasanaj humbi jetën gjatë asgjësimit të municioneve dhe lëndëve eksplozive të paplasura.

Aktualitet zarife hasanaj