Kryetarja e LSI, Monika Kryemadhi ka folur sot mbi presionet që po bëhen ndaj drejtësisë.
Por teksa deri më tani kemi parë vetëm kryeministrin të flasë, Kryemadhi ka thënë se janë të huajt që po lobojnë fort në prapaskenë. Edhe pse nuk tha fiks për çfarë dosjesh bëhet fjalë, duket se frika është për Metën. Amerikanët e kanë izoluar presidentin dhe Rama tha se të gjithë presin që ai të dalë para SPAK.
“Ne e dimë shumë mirë që presioni i të huajve dhe të brendshmeve i lobingjeve nga më të ndryshmet është i madh ndaj sistemit të drejtësisë dhe prokurorëve të SPAK. Presioni i parë fillon duke i trajtuar si njerëz në cep, duke mos i thënë ndihmës jo vetëm për të hetuar por edhe me kapacitetet njerëzore”, tha ajo.
Më pas kryetarja e LSI pati një mesazh dhe për kryeministrin: “Unë i bëj thirrje Ramës që të shkruajë një padi dhe të vendosë emrin dhe firmën për çdo akuzë që ka ndaj opozitës, Ka 20 vite që bën me baltë çdo kundërshtar të tij. Le të bëhet aq trim dhe le të vendosë firmën për çdo opozitar që ka në dosje”.
