Shkruar nga PamfletiKanadaja ka lajmëruar se do të dërgoj 4 tanke në Ukrainë. Kjo vjen pasi Gjermania lejoi vendet e tjera të rieksportonin tankun e prodhuar nga Gjermania këtë javë.
“Këto automjete shumë të blinduara dhe shumë mbrojtëse u ofrojnë ushtarëve një avantazh taktik në fushën e betejës falë lëvizshmërisë së tyre të shkëlqyer, fuqisë së zjarrit dhe mbijetesës së tyre,” tha ministrja e Mbrojtjes Anita Anand.
Më tej ajo shtoi se këto tanke do të ndihmojnë Ukrainën në përballjen e saj me Rusinë.
“Këto tanke do të lejojnë Ukrainën të çlirojë edhe më shumë nga territori i saj dhe të mbrojë popullin e saj nga pushtimi brutal i Rusisë. Këto katër tanke janë gati për luftim dhe do të vendosen gjatë javëve të ardhshme. Ky donacion, i kombinuar me kontributet e aleatëve dhe partnerëve, do të ndihmojë ndjeshëm forcat e armatosura të Ukrainës në mbrojtjen e tyre kundër pushtimit rus”, tha Anand gazetarëve në Otava.
Për javë të tëra, Ukraina u ka kërkuar aleatëve të saj t’i furnizojnë me deri në 300 tanke luftarake Leopard 2 të prodhimit gjerman. Disa aleatë i kanë ato tanke në inventarët e tyre, por nuk ishin në gjendje t’i dhuronin derisa Gjermania t’i miratonte për eksport.
