Bota 4 Prill 2022, 13:28

Lufta në Kiev, Zelensky: Pavarësisht mizorive, duhet të vazhdojmë negociatat me Rusinë

Shkruar nga Pamfleti
Lufta në Kiev, Zelensky: Pavarësisht mizorive, duhet të

Lufta në Kiev, Zelensky: Pavarësisht mizorive, duhet të vazhdojmë negociatat me Rusinë

Deri përpara pushtimit rus, Bucha ishte një zonë periferike e qetë e kryeqytetit ukrainas. Por tashmë, ndërsa ushtria ruse largohet nga periferitë e Kievit dhe fokusohet në Ukrainën lindore ka lënë pas vetëm shkatërrim.

Imazhet që përshkruajnë mizoritë kundër civilëve në qytetin ukrainas u panë pas tërheqjes së ushtrisë ruse nga rajoni i Kievit, dokumente që i referohen ekzekutimeve të civilëve, varreve masive. Masakra në Bucha nxiti reagimin ndërkombëtar, duke e cilësuar Putinin si përgjegjës të kësaj masakre.

Në një deklaratë për CBS, presidenti ukrainas tha se pavarësisht mizorive, duhet të vazhdojnë negociatat me Rusinë për t’i dhënë fund luftës.

“Është e vështirë të thuhet se si, pas gjithë asaj që ka ndodhur, por ne duhet të negociojmë me Rusinë. Unë si president, më duhet ta bëj këtë gjë, çdo  luftë duhet të marrë fund,” tha presidenti ukrainas Zelensky duke iu referuar gjithashtu masakrës në Bucha.

Bota Kiev Lufte Mizori negociata Rusi Volodymyr Zelensky