Bota26 Prill 2022, 19:14

Lufta në Ukrainë, Blinken akuza Putinit: Nuk është serioz për negociatat!

Shkruar nga Pamfleti
Lufta në Ukrainë, Blinken akuza Putinit: Nuk është serioz

Pekini “ndërpret” komunikimin me Uashingtonin, SHBA: Hakmarrja e Kinës, papërgjegjshmëri!

Sekretari amerikan i Shtetit, Antony Blinken, deklaroi se presidenti rus, Vladimir Putin, nuk ka treguar seriozitet që lufta në Ukrainë të përfundojë përmes diplomacisë, pavarësisht disa përpjekjeve ndërkombëtare.

“Deri më tani nuk kemi parë asnjë shenjë se presidenti Putin është serioz për negociata kuptimplota”, tha Blinken para Komitetit për Punë të Jashtme të Senatit amerikan. Përderisa SHBA-ja do të mbështesë përpjekjet ukrainase për t’i dhënë fund luftës përmes diplomacisë, Blinken tha se “qëllimi ynë është që të sigurohemi se ata kanë në duart e tyre aftësinë që t’i kundërvihen agresionit rus, dhe të forcojnë pozicionin e tyre në tavolinën e negociatave”.

Blinken iu përgjigj kështu pyetjeve të senatorit republikan, Rand Paul, i cili akuzoi presidentin amerikan, Joe Biden, se ka kontribuar në vendimin e Putinit për ta pushtuar Kievin, pasi sipas tij, ai ka folur për mundësinë që Ukraina të pranohet në NATO. Por, Blinken tha se në bisedimet me Rusinë, para nisjes së pushtimit më 24 shkurt, ishte e qartë se shqetësimet e Putinit lidhur me bashkimin e Ukrainës në këtë aleancë perëndimore, ishin pretekst për nisjen e luftës.

Ne tentuam që të angazhoheshim me ta në këto situata me seriozitet”, tha Blinken.

Bota #Blinken #lufta në Ukrainë Putini