Shkruar nga Pamfleti
Lufta në Ukrainë, Erdogan dhe Macron flasin sërish me telefon
Presidentit francez, Emmanuel Macron ka zhvilluar një bisedë telefonike me homologun e tij turk, Rexhep Tayyip Erdogan.
Ende nuk ka informacione mbi diskutimet, megjithatë në fokus të bisedës 1 orë e 45-minutëshe ka qenë ofensiva ushtarake ruse në Ukrainë.
Vlen të theksohet se kjo është biseda e katërt telefonike mes dy presidentëve që nga fillimi i pushtimit të Ukrainës.
Më herët sot, Erdogan ka zhvilluar një bisedë telefonike edhe me presidentin rus Vladimir Putin, ku i bëri thirrje për një ndërprerje urgjente të armiqësive.
Putin i tha Erdoganit se negociatorët e Ukrainës duhet të kenë një “qasje më konstruktive” në bisedime, “duke marrë plotësisht parasysh realitetet në zhvillim”.
“U nënvizua se pezullimi i operacionit special është i mundur vetëm nëse Kievi ndalon operacionet ushtarake dhe përmbush kërkesat e njohura ruse”, tha Kremlini. Rusia e ka quajtur pushtimin e saj një “operacion special”.
