Ekipi i shkencëtarëve të cilët drejtojnë dhe lexojnë të ashtuquajturën “Ora e Apokalipsit” ndryshe “Ora e Kijametit”, e cila mat afërsinë e rrezikut të një katastrofe globale bazuar mbi situatën në të cilën ndodhet bota, thotë se njerëzimi nuk ka qenë kurrë kaq afër fundit.
Në buletini e Shkencëtarëve Atomik, i cili që nga viti 1947 ka marrë përsipër këtë detyrë “simbolike”, zbuloi në konferencën për shtyp që i dha Uashingtonit, “orën” e re që tregon ora, e cila mat sa afër është njerëzimi me një katastrofë globale.
Akrepat e orës do të shkojnë drejt 12-ës, pra kur të arrijnë në mesnatë, atëherë sipas shkencëtarëve është fundi i botës.
Mediat e huaja thonë se shkencëtarët kanë përcaktuar se është një minutë e gjysmë, ose 90 sekonda larg mesnatës. Ky rrezik i shtuar sipas shkencëtarëve vjen kryesisht edhe nga lufta në Ukrainë, por jo vetëm. Akrepat kanë avancuar me 10 sekonda këtë vit.
Pas Luftës së Dytë Botërore, ora tregonte 7 minuta deri në mesnatë. Në vitin 1992, me përfundimin e Luftës së Ftohtë, orët ranë në 17 minuta para mesnatës. Në 1953, 2018 dhe 2019 akrepat arritën 2 minuta para mesnate.
Buletini i Shkencëtarëve Atomik u themelua në vitin 1945 nga Albert Einstein dhe shkencëtarë të tjerë që punuan në Projektin “Manhattan”, për të ndërtuar bombën e parë atomike. Çdo vit këta ekspertë “lëvizin” akrepat e orës, duke shqyrtuar situatën që mbizotëron në botë.
