Bota18 Maj 2022, 16:10

Lufta në Ukrainë po gërryen financat ruse, çdo ditë shpenzohen 300 milionë dollarë

Shkruar nga Pamfleti

Lufta në Ukrainë duket se po i kushton shtrenjtë Rusisë. Vetëm në muajin prill janë shpenzuar më shumë se 300 milionë dollarë në ditë për të financuar operacionet ushtarake në Ukrainë.

Nga të dhënat e Ministrisë ruse të Financave, shpenzimet e mbrojtjes së Rusisë në muajin shkurt arritën në 5.4 miliardë dollarë, kurse marsi pati një rritje në 6.6 miliardë dollarë. Prilli ishte deri tani muaji më i shtrenjtë me 9.2 miliardë dollarë të shpenzuara për mbrojtjen. Pra, kjo arrin në 308 milionë dollarë në ditë.

Gjatë muajit prill, shpenzimet ishin më shumë se dyfishi i periudhës së paraluftës, 3.4 miliardë dollarë të shpenzuara në janar 2022. Në prill 2021, shpenzimet e mbrojtjes arritën në 4.1 miliardë euro.

Bota Lufta shpenzime Ukrainë.