Shkruar nga Pamfleti
Luiza Gega vazhdon të shkëlqejë në atletikë, kampionia e Europës rekord kombëtar në 5 km rrugë
Luiza Gega ka shënuar një tjetër paraqitje të shkëlqyer, duke vijuar rezultatet fantastike për vitin 2022.
Suksesi i radhës për kampionen e Europës vjen nga Italia. 33-vjeçarja ka dalë e para në garën 5 km rrugë në eventin “La notte delle stelle” që është mbajtur në Forli. Ajo regjistroi kohën 15:39 duke vendosur një rekord të ri kombëtar në këtë disiplinë.
Një formë e jashtëzakonshme nga atletja kuqezi, e cila ndonëse merrte pjesë për herë të parë në këtë disiplinë, arriti që të vendosë rezultat rekord.
