Një 55-vjeçar është befasuar kur teksa punonte tokën në fshatin Ardenicë, ka gjetur kocka të ngjashme me eshtrat e njeriut.
Nga të dhënat paraprake bëhet me dije se, dyshohet që të mbetjet kockore t’i përkasin një periudhe të hershme. Ato do të dërgohen në Institutin e Mjekësisë Ligjore, për ekzaminime të mëtejshme laboratorike.
“Në fshatin Ardenicë, Lushnjë, shtetasi A. H., 55 vjeç, duke punuar në tokat e tij, ka gjetur pjesë kockash si ato të eshtrave të njeriut, të cilat i përkasin një periudhe të hershme. Mbetjet kockore do të dërgohen në Institutin e Mjekësisë Ligjore, për ekzaminime të mëtejshme laboratorike.
Materialet i kaluan Prokurorisë, për veprime të mëtejshme procedurale”– thuhet në njoftimin e policisë.
