Anti-Mafia23 Qershor 2022, 10:53

Mafiozi i “Bolv Oil” me kapital 8.1 milionë Euro, investon 90 milionë kompleks me vila luksoze në Farkë. Kush po e heton Behar Çukajn?

Shkruar nga Pamfleti
Mafiozi i “Bolv Oil” me kapital 8.1 milionë Euro, investon 90

Mafiozi i “Bolv Oil” me kapital 8.1 milionë Euro, investon 90 milionë kompleks me vila luksoze në Farkë. Kush po e heton Behar Çukajn?

 Hetim më vete, duhet të jetë dosja e përfitimit të 50 mijë m2 tokë pronë shteti ku po ndërtohet kompleksi “Tulipan Residence”, se ndoshta ka lidhje me regjistrat e falsifikuar e të zhdukur të Kadastrës, për të cilat foli Artan Lame, miku personal i mafiozit Behar Çukaj që po ndërton këtë bllok me vila për pasanikët e politikës dhe botës së krimit

Në Farkë, në zonën e njohur si “Mjullë Bathore” po vazhdon ndërtimet një fshat tjetër me vila për pasanikët, shumica e të cilëve dihet që janë politikanë, ministra, deputetë, trafikantë, vrasës dhe “llumi” i botës së artit e medias të lidhur me ta në punë të pista, tamam si në Lalz, Kodra e Diellit, Dhërmi, Rolling Hills etj.

Ky kompleks me vila luksi në Farkë, i emërtuar “Tulipan Residence”, është investuar 100% nga Behar Çukaj, pronari i kompanisë “Bolv Oil”, skeduar nga drejtësia e BE si dhe ajo shqiptare, si kontrabandist karburantesh, falsifikator cilësie e zhvatës nafte nga depozitat e “Albpetrol”.

Prokuroritë e Fierit, Durrësit e Tiranës, i kanë mbyllur dosjet për 11 kallëzime e denoncime, ngaqë Behari i ka “ngrohur” me çeqe, por edhe sepse prej 8 vitesh është bërë sponsor i fushatave të Edi Ramës.

Ndërsa për këtë kompleks me vila në Farkë, SPAK duhet të hetojë, ku i ka gjetur 90 milionë Euro kontrabandisti Behar Çukaj i Fierit, i skeduar dhe si trafikant droge nga  SHISH e DEA.

Madje raportet e tyre për aktivitetin e bosit të “Bolv Oil”, në disa raste dhe me Trifon Muratajn e “Bana King” të kokainës, bashkëfshatarit nga Fieri, janë edhe në kryeministri, polici, Prokurorinë e Përgjithshme dhe Drejtorinë e Parandalim-Pastrimit të Parave.

Si indicie për SPAK-un, lidhur me kompleksin e vilave “Tulipan Residence”, duhet të shërbejë fakti se dy firmat e karburanteve “Bolv Oil” e “Olsi Shpk” të Behar Çukajt, qysh prej muajit janar 2014 e deri tani, kanë vetëm 8.1 milionë Euro kapital makineri e llogari bankare.

Ndërsa kompleksi “Tulipan Residence” që ai po ndërton, ka vlerë totale 90 milionë Euro, me dy blloqe nga 35 vila dhe krejt shërbimet tregti, qendra argëtimi, çerdhe, kopshte, parqe etj.

Nuk jemi kundër komplekseve me vila luksi në formë blloqesh me qasje racizmi social-ekonomik, por për burimin e të ardhurave të biznesmenit Behar Çukaj që po ndërton kompleksin në fjalë, mbasi krejt kapitali i tij është sa 9% e vlerës së këtij investimi.

Prandaj po i bëjmë thirrje SPAK-ut, të fillojë hetimin e firmës “Bolv Oil” që po investon këtë kompleks, për dy motive logjike e ligjore: Ose biznesmeni Behar Çuko i ka siguruar këto 90 milionë Euro nga trafiqet që bën vetë; ose po përdor dhe pastron milionat e korrupsionit të politikanëve e trafikantëve, si p.sh., të mikut të tij Trifon Murataj i “Bana King”.

Hetim më vete, duhet të jetë dosja e përfitimit të 50 mijë m2 tokë pronë shtetërore ku po ndërtohet kompleksi “Tulipan Residence”, se ndoshta ka lidhje me regjistrat e falsifikuar e të zhdukur të Kadastrës, për të cilat foli Artan Lame, miku personal i bosit Behar Çukaj që po ndërton këtë bllok me vila për pasanikët e politikës dhe botës së krimit

Mbase në lojë, ka edhe ortakun e tij Lefter Sota të firmës “B&O Construction Shpk” e administrator Zaho Jaçaj, ish-Drejtor i Tatimeve Fier që i ka fshirë mbi 5 milionë Euro detyrime tatimore me aktivitetin e import- tregtimin e karburanteve.

Fakt/ Prej 4 vitesh, Behar Çukaj i “Bolv Oil”, jeton te Vila Nr. 64 në kompleksin “Rolling Hills”-Farkë, me sipërfaqe 583 m2 blerë dhe me çmim blerje 945 mijë Euro./Pamfleti

Lexoni dhe denoncimin e bërë më 21 mars 2022 nga “Pamfleti”, për vjedhje të 3000 ton naftë bruto në “Albpetrol”:

https://pamfleti.net/behar-cuko-i-bolv-oil-e-olsi-shpk-grabiti-3000-ton-nafte-depozita-ne-armo-ballsh-para-se-te-shitej-per-skrap/

Anti-Mafia #investon 90 milionë kompleks me vila luksoze në Farkë #Kush po e heton Behar Çukajn? #Mafiozi i “Bolv Oil” me kapital 8.1 milionë Euro