Majorka ia ka dalë të marrë një pikë shumë të vlefshme në transfertë ndaj Atletik Bilbao. Ndeshja përfundoi me rrjeta të paprekura, në stadiumin e tejmbushur. Skuadra baske dominoi ndeshjen, por pa arritur të gjente avantazhin.
Muriqi nuk la gjurmë në sulm, megjithatë ishte i dobishëm për manovrën e skuadrës. Plot 6 kartonë të verdhë mori Majorka. Sulmuesi kosovar la fushën e lojës në minutën e 87, për t’u futur Prats. Ai u transferua te skuadra spanjolle këtë verë nga Lacio. 28-vjeçari nënshkroi kontratë deri në vitin 2027. Ishte i huazuar te Majorka në pjesën e dytë të sezonit të shkuar
Në ndeshjen e ardhshme, Majorka do të presë në shtëpi Real Betis.