Marrëdhënia e Shakirës dhe Zherard Pike raportohet se ka hyrë në krizë. Sipas mediave spanjolle, shkak mësohet të jetë tradhtia e futbollistit.
“El Periodico” informon se sulmuesi i Barcelonës ka tradhtuar këngëtaren me një vajzë bionde 20-vjeçare, identiteti i së cilës ende nuk është zbuluar, të paktën për momentin.
Pike është takuar disa herë me studenten, që njëkohësisht punon si organizatore eventesh te Barcelona. Sipas, “El Periodico”, kjo tradhti është zbuluar nga Shakira dhe pas kësaj futbollisti është zhvendosur për të jetuar vetëm në një apartament.
Raporti pretendon se Pike është parë disa herë me këtë grua dhe se Shakira ka marrë vesh gjithçka.
Të tjera media spanjolle shkruajnë se Pike e ka tradhtuar këngëtaren me mamanë e bashkëlojtarit të tij Gavi, dhe është në lidhje me këtë të fundit prej 12 vitesh.
Shkruhet po ashtu se 17-vjeçari Gavi nuk ka qenë në dijeni të kësaj tradhtie e nëse kjo do të konfirmohej, te Barcelona do të plaste një skandal i madh.
Pike dhe Shakira filluan romancën e tyre pasi u takuan në Kupën e Botës 2010, por ata kurrë nuk u martuan.
Gjatë kësaj periudhe kanë qenë bashkë, ndërsa kolumbiania është zhvendosur në Barcelonë për të krijuar familje me futbollistin. Çifti janë prindër të dy fëmijëve, Milan dhe Sasha.
Por kohët e fundit marrëdhënia e tyre është tensionuar dhe prindër të tjerë në shkollën e fëmijëve kanë pohuar se çifti nuk kanë shkuar së bashku për të marrë djemtë.
Madje mësohet se Shakira i ka çuar fëmijët në Ibiza për pushime familjare në maj, por që Pike nuk ishte.
