Përfudnon ndeshja e javës së 25 në Premier Ligë. Mançester Junajtid është rikthyer te fitorja, duke mundur me rezultatin e pastër 3-1 skuadrën e Njukasëll. “Djajtë e Kuq” hapën serine e golave në minutën e 30 me Markus Rashford pas një aksioni individual magjik. Numri 10 i ekipit të Solskjaer dërgoi topin në rrjetë me një goditje të bukur.
Pas golit të bukur të Rashford, Njukasëll u kundërpërgjigjën në minutën e 36 me Saint-Maximin. Francezi mposhti De Gean me një goditje të bukur fluturimthi brenda zonës së rreptësisë.
“Asisti” u dha nga Herri Megajër, mbrojtësi më i shtrenjtë i historisë së futbollit, që i kushtoi Djajve të Kuq 87 milionë euro në 2019.
Në minutën e 57, Junajtid u rikthye sërish në avantazh me Daniel Xhems.
Asisti u dha nga Bruno Fernandes, i cili është bërë lojtari i tretë në pesë kampionatet kryesore të Europës me të paktën 10 ose më shumë gola dhe asiste, bashkë me Herri Ken dhe Tomas Myler.
Në minutën e 74, Bruno Fernandes realizoi golin e tretë nga pika e bardhë e penalltisë, duke vulosur shifrat përfundimtare në 3-1.
Me këtë fitore, Mançester Junajtid mban vendin e dytë me 49 pikë, sëbashku me Leiçester, ndërsa Njukasëll renditet në vendin e 17 me 25 pikë.
