Një vit pas zgjedhjeve të 25 prillit, Prokuroria e Elbasanit ka lëshuar 8 urdhër-arreste për manipulim të rezultatit.
Sipas informacioneve, janë vënë në pranga 6 persona dhe 2 të tjerë janë shpallur në kërkim pasi akuzohen për manipulim të votave. Sipas informacioneve, bëhet fjalë për komisionerë nga të tri forcat kryesore politike në vend, PD, PS dhe LSI.
Janë arrestuar: Erald Karriqi, Ylli Kuka, Durim Alla, Erjon Dashi, Mili Vasku dhe Olgert Alla. Ndërsa janë në kërkim Oltion Bajrami, dhe Eduart Zito. Sipa burimeve ata kanë qenë anëtarë KZAZ-je dhe kanë trukuar rezultatin.
Bëhet fjalë për 2 grupe numërues në KZAZ-në nr. 53 në Librazhd të cilët kanë falsifikuar rezultatin në 2 qendra votimit në atë nr. 2780, numëruar nga Grupi i Numërimit i përbërë nga Erald Karriqi, Ylli Kukaj, Oltjon Barjami dhe Eduart Zito dhe qendrën e votimit nr. 2796, KZAZ nr. 53, Qarku Elbasan numëruar nga Grupi i Numërimit i përbërë nga Durim Alla, Erjon Dashi, Mili Vasku dhë Olgert Alla.
Sipas informacioneve, arrestimi i tyre ka ardhur pas padive që ka bërë KQZ. Kjo e fundit bëri rinumërim votash pas zgjedhjeve dhe u zbulua që në një pjesë të madhe ka pasur tjetërsim votash nga komisionerët.
