Shkruar nga Pamfleti
Shkup, 26 maj – Ofrimi i mbështetjes fiskale në Buxhetin e këtij viti për tejkalimin e efekteve të krizës, monitorimin i lëvizjeve të çmimeve dhe ruajtjen e stabilitetit të çmimeve në afat të mesëm, duke ndjekur politikën e duhur monetare, duke vazhduar reformat në menaxhimin e financave publike përmes graduale fiskale, konsolidimi në afat të mesëm apo miratimi i ligjit të ri të buxhetit.
Po ashtu zbatimi i Strategjisë tatimore dhe transformimi digjital i Drejtorisë së të Ardhurave Publike, miratimi i ligjit të ri për partneritetin publik-privat, si dhe përmirësimi i mjedisit të biznesit duke vazhduar me digjitalizimin e shërbimeve publike, racionalizimi i detyrimeve parafiskale dhe miratimi i një strategjie të re për formalizimin e ekonomisë, janë vetëm disa nga rekomandimet që dolën nga Dialogu ekonomik -financiar i Maqedonisë së Veriut me BE-në, i cili u mbajt më 24 maj të këtij viti në Bruksel.
Siç deklaroi ministri i Financave Fatmir Besimi në konferencën e sotme të përbashkët për media me euroambasadorin Dejvid Gir, në diskutimin me Komisionin Evropian, pas dorëzimit të Programit të reformave ekonomike 2022 – 2024, u dakordua që fokusi në periudhën e ardhshme do të jetë në miratimin e kuadrit ligjor të efikasitetit energjetik dhe krijimin e një fondi për efikasitet energjetik në përputhje me Agjendën e Gjelbër të BE-së për Ballkanin Perëndimor, si dhe vazhdimin e reformave në arsim, në veçanti arsimin e mesëm profesional.
Ndër rekomandimet e përbashkëta është rritja e mbulimit dhe aksesit të kategorive cenueshme të personave të papunësuar me masat e Planit Operativ për politikat dhe masat aktive për punësim dhe përmes rritjes së bashkëpunimit të qendrave të punësimit dhe qendrave sociale.
“Qëllimi i zbatimit të këtyre konkluzioneve është fuqizimi i zhvillimit ekonomik dhe social të vendit, si dhe afrimi me përmbushjen e kërkesave të kritereve të Kopenhagës për anëtarësim në BE”, tha Besimi.
Sipas tij, me miratimin zyrtar të konkluzioneve të përbashkëta, nisin përgatitjet për Programin e ardhshëm të reformave ekonomike 2023-2025.
“Kjo është kohë e sfidave të mëdha ekonomike, e cila kërkon krijimin e kujdesshëm të politikës fiskale, me masa për të mbështetur ekonominë dhe qytetarët, por edhe masa për të stimuluar rritjen”, nënvizoi ministri.
Besimi vlerësoi se praktika e krijuar e dialogut të nivelit të lartë ndërmjet ministrave dhe drejtorëve të drejtorive në Komisionin Evropian në dy vitet e fundit për sfidat me të cilat përballet vendi për të arritur rritje të qëndrueshme ekonomike, është një sinjal i fortë për KE-në e përkushtimit tonë për procesi i negociatave.se Programi i reformave ekonomike ka një rol kyç dhe është mjet operacional për zbatimin e reformave strukturore që janë parakusht për përdorimin e mjeteve financiare nga Plani ekonomik-investues i BE-së për Ballkanin Perëndimor.
