Shkruar nga Pamfleti
Marrëveshja për shkëmbimin e monedhës me Katarin shpëton Turqinë
Katari dhe Turqia kanë nënshkruar një marrëveshje shkëmbimi të monedhës për të rritur likuiditetin dhe për të siguruar stabilitetin financiar, tha banka qendrore e Katarit, disa ditë pasi Doha premtoi 15 miliardë dollarë investim të drejtpërdrejtë në tregjet turke.
Marrëveshja, e cila synon të rrisë bashkëpunimin midis vendeve, u arrit të premten.
Kjo marrëveshja do të krijojë një linjë të këmbimit valutor me dy drejtime dhe do të lehtësojë shkëmbimin e tregtisë midis kombeve, sipas deklaratës së bankës qendrore të Katarit.
Një këmbim i monedhës është një instrument ekonomik që përfshin shkëmbimet e huave, ku vendet huazojnë të njëjtën vlerë në monedhat e njëri-tjetrit dhe kryejnë tregtinë duke përdorur ato monedha.
Javën e kaluar, Sheikh Tamim bin Hamad Al Thani, emiri i Katarit, miratoi një paketë të projekteve ekonomike, investimeve dhe depozitave në Turqi.
Fondet për fazën e parë të marrëveshjes thuhet se arrijnë në 3 miliardë dollarë.
Turqia aktualisht po lufton me një krizë të rëndë valutore të shkaktuar nga shkallëzimi i sanksioneve amerikane. Uashingtoni është duke aplikuar presion ekonomik ndaj Ankarasë lidhur me arrestimin e pastorit amerikan Andreë Brunson, i cili u akuzua se ndihmoi grushtin ushtarak të dështuar turk dy vjet më parë.
