Çfarë do të thotë e gjitha kjo? Do të thotë qartë e shkoqur, se qëndrimi i ashpër ndaj Sali Berishës nuk ka lidhje me ambassador apo diplomat, por është thjesht qëndrim zyrtar i qeverisë së Shteteve të Bashkuara të Amerikës.
Aleksandër Arvizu, ish-ambasadori i SHBA-së në Tiranë, në një intervistë televizive me skype nga SHBA, ka shkaktuar polemika të forta. Kjo pasi, Arvizu ka tentuar të relativizojë vendimin e rëndë të SHBA për të ndëshkuar Sali Berishën me ‘Non Grata’.
Arvizu ka thënë tekstualisht se nuk përfaqësonte më qeverinë, se nuk ka informacion që Berisha është shpallur ‘non grata’, por mendon se edhe opozita duhet respektuar.
Më shumë se një vit më parë, ekzaktësisht përpara zgjedhjeve të 25 prillit 2021, Arvizu lëshoi një tjetër mesazh publik në Tiranë, ku shprehu simpati për LSI-në e Ilir Metës. Ndërkohë që ky i fundit ishte President dhe në pije e sipër u përplas në publik me ambasadoren amerikane në Tiranë Yuri Kim.
Tani, ky mesazh i Arvizu, sikur i ka ngjallur pak a shumë nervat e mbështetësve mediatikë të doktorit dhe kreut të Partisë së Lirisë.
“E sheh, ka edhe amerikanë që nuk mendojnë si Yuri Kim”. Ndaj dhe pjesë të oborrit mediatik të Sali Berishës kanë nisur një aksion publik për shpërndarjen e mesazheve të ish-ambasadorit amerikan në Tiranë.
Por në të vërtetë, ky ekzaltim vetëm se e zhyt edhe më poshtë Sali Berishën por edhe Ilir Metën që me dekoratën dhënë Arvizu-së ka krijuar një miqësi me të.
E para, deklarata e Alenxandër Arvizu nuk ishte e prerë, por lakonike. E vetjmja frazë e qartë ishte: “Nuk përfaqësoj askënd, por veten time”. E kjo është e rëndësishme, pasi si ambassador i SHBA-së në Tiranë, apo edhe si drejtues i DASH-it që vizitoi Shqipërinë në vitin 2017, kishte tjetër qëndrim ndaj Sali Berishës dhe Ilir Metës.
Si ambasador, dihet që u përplas egër me PD-në për çështjen e armëve kimike, por edhe më tej, ndërkohë që si zyrtar i DASH foli shumë ashpër në kohën e çadrës. Pasi la rolin e tij në Dpartament, zoti Arvizu doli në pension, dhe është tërhequr nga cdo funksion. Pas një heshtje të gjatë, darkoi në fillim publikisht me dy gazetarë; njëri pranë Metës, Artur Zheji, e tjetri zëdhënësi i Berishës, Alfred Lela. Më pas mbrojti LSI-në, e tani bëri deklaratën tjetër.
Çfarë do të thotë e gjitha kjo?
Do të thotë qartë e shkoqur, se qëndrimi i ashpër ndaj Sali Berishës nuk ka lidhje me ambassador apo diplomat, por është thjesht qëndrim zyrtar i qeverisë së Shteteve të Bashkuara të Amerikës. Ndoshta pas një farë kohe, edhe Donald Lu, apo edhe Yuri Kim kur të dalin në pension mund të ndryshojnë qëndrim. Por mbetet qëndrim personal e që nuk ka asnjë lidhje me pozicionin zyrtar.
Para disa vitesh, edhe Arvizu është sharë e sulmuar ashpër nga njerëzit e Berishës, madje dy ditë pas zgjedhjeve të vitit 2013, e larguan me titrat e televizionit të Irfanit. Por nga inati DASH e shtyu Arvizun në Tiranë edhe më shumë se një vit, si për të treguar se si i merr vendimet Uashingtoni.
E sot, harrojnë ç’kanë thënë; e nga sojsëz, apo “kinez” e i blerë nga Sorosi, na del burri i mirë Sandri. Nuk është çudi që të njëjtën gjë të thonë edhe për dy ambasadorët, për të cilët çfarë s’kanë nxjerrë nga goja…/Pamfleti
