Shkruar nga Pamfleti
Kryeministri i Malit të Zi, Dritan Abazoviçu, tha se masakra e ndodhur ditën e sotme në Cetinje ku u vranë 10 persona dhe 6 të tjerë u plagosën është ndër më të rëndat në historinë e malazezëve. Ai bëri të ditur gjithashtu se qeveria e Malit të Zi do të shpallë tri ditë zie për ngjarjen e rëndë.
Ndërkohë lidhur me ngjarjen reagoi edhe Presidenti i Malit të Zi, Milo Gjukanoviç i cili e ka konsideruar atë një tragjedi të paprecedentë që ka prekur gjithë Malin e Zi.
Ai shprehur ngushëllimet e tij të sinqerta për familjet e viktimave, e për të gjithë ata që humbën të dashurit e tyre.
“Jam thellësisht i tronditur nga lajmi për tragjedinë e tmerrshme në Cetinje. Shpreh ngushëllimet e mia të sinqerta për familjet e viktimave, për të gjithë ata që kanë humbur të dashurit e tyre. Ne si shoqëri duhet të solidarizohemi me ta në këto të momente të vështira”, shkruan presidenti në llogarinë e tij në Twitter.
