Rusia ka rekrutuar 16 mijë ushtarë nga Lindja e Mesme, kryesisht të ardhur nga Siria. Mësohet se, ushtarëve i ofrohen deri në 5 mijë paundë, për të luftuar në vijën e parë të frontit luftarak në Ukrainë.
Lajmi ka vërshuar gjithandej në rrjetet sociale, ndërsa persona u kërkojnë qytetarëve në Siri t’iu bashkohen trupave ruse.
Një rekrutues i tha BBC-së: “Rekrutimi në Ukrainë është tamam si ne rekrutuam në Libi; ka përfaqësues në rajone. Ju keni të drejtë të ndryshoni vendimin tuaj pasi të aplikoni. Askush nuk do t’ju detyrojë të shkoni.”
Ekonomia e Sirisë, tashmë e shkatërruar nga lufta civile, dhe po përballet me një rritje të çmimit të produkteve thelbësore për jetesën siç është gruri; pjesa më e madhe e të cilit vjen nga Ukraina dhe Rusia. Kjo është ajo që e ka bërë ofertën ruse të duket edhe më joshëse.
Rusia ka mbështetur regjimin sirian gjatë luftës civile të vendit dhe lajmet shtetërore ruse pretendojnë se ushtarët sirianë duan të kthejnë favorin.