Aktualitet24 Janar 2023, 11:23

Mbi 6000 kërkesa për lënie shtetësie; Bledar Çuçi e Bajram Begaj i bllokojnë

Shkruar nga Pamfleti
Mbi 6000 kërkesa për lënie shtetësie; Bledar

Mbi 6000 kërkesa për lënie shtetësie; Bledar Çuçi e Bajram Begaj i bllokojnë

Largimi nuk ndalohet me bllokim dhe vonesë procedurash të lënies së shtetësisë dhe as duke mbuluar realitetin me raporte shifrash të rreme

Të dhënat tregojnë se gjatë viteve 2020- 2022, kërkesat për marrje të shtetësisë shqiptare kanë zbritur në 20%, ndërsa sipas Ministrisë së Brendshme, janë shtuar kërkesat për lënie shtetësie.

Në Komisariatet e Policisë janë regjistruar mbi 6000 kërkesa për lënie të shtetësisë shqiptare, jo vetëm nga ata që jetojnë në shtetet ku nuk lejohet dyshtetësia, por edhe në shtetet ku lejohet.

Por kërkesat janë bllokuar në dy institucionet që i trajtojnë e miratojnë: Te Ministria e Brendshme, mbasi duhet të marrin aprovimin nga Ministri  Bledar Çuci, sipas Udhëzimit Nr. 65, datë 4. 2. 2021 të nxjerrë prej tij.

Por dhe nga Presidenca, mbasi sipas nenit 92/c të Kushtetutës, marrja dhe lënia e shtetësisë, trajtohet e propozohet nga Ministri i Brendshëm dhe miratohet nga Presidenti i Republikës.

Ligji Nr. 113/2020, datë 29.7.2020 “Për shtetësinë”, përcakton që qytetarët, të cilët duan të lënë shtetësinë shqiptare, duhet të paraqesin paralelisht edhe një kërkesë formale te Presidenti.

Ndërsa në organet policore të vendbanimeve, duhet të paraqesin dokumentin që vërteton se shteti ku jetojnë u ka miratuar lejen e qëndrimit të përhershëm, dhe deklarimet që nuk kanë asnjë problem ligjor në vendin tonë.

Megjithëse kërkesat dhe këto dokumente i kanë paraqitur, Ministri i Brendshëm dhe Presidenti i Republikës, u kanë bllokuar procedurat, duke mos u firmosur e dekretuar lënien e shtetësisë.

Nuk është shkak procedura e verifikimit, mbasi të dhënat personale janë në regjistrat elektronik ndër-institucional, por thuhet se ky bllokim, po bëhet pas hapjes së kapitujve të negocim-integrimit me BE, për të krijuar përshtypje të rreme sikur shqiptarët nuk po largohen nga vendi.

Në fakt shqiptarët po largohen masivisht nga vendi, braktisje që nuk ndalohet me bllokim procedurash të lënies së shtetësisë dhe as duke fshehur realitetin me raporte false./Pamfleti

Kryesore “Pamfleti” #Bledar Çuçi e Bajram Begaj i bllokojnë #Mbi 6000 kërkesa për lënie shtetësie