Të parët që u ulën në tryezë për të vendosur firmën mbi dokumentet e marrëveshjes, ishin kryeministri Albin Kurti dhe Edi Rama, për tu pasur më vonë nga ministrat e kabinetit qeveritar të Kosovës dhe Shqipërisë.
Pas përfundimit ë mbledhjes, në konferencën e përbashkët për shtyp, Rama pranoi se marrëveshjet nuk janë zbatuar plotësisht, por qëllimi dhe sfida e të dy qeverive është pikërisht nxitja e zbatimit të marrëveshjeve të nënshkruara deri tani.
Marrëveshjet e nënshkruara:
Protokoll bashkëpunimi ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për krijimin e Sekretariatit Koordinues Ndërqeveritar – Nënshkruesit: Edi Rama dhe Albin Kurti
Marrëveshje për zbatimin e lehtësirave të ndërsjella në procedurat doganore dhe/ose të kontrollit të hyrje/daljes së mallrave – Nënshkruesit: Edi Rama dhe Albin Kurti
Marrëveshje për lehtësimin e procedurave dhe kushteve për marrjen e leje qëndrimit të përkohshme – Nënshkruesit: Bledar Çuçi dhe Xhelal Sveçla
Marrëveshje për rregullat e regjimit të trafikut lokal të kufirit – Nënshkruesit: Bledar Cuci dhe Xhelal Sveçla
Marrëveshje ndryshuese e Marrëveshjes ndërmjet Këshillit të Ministrave të Republikës së Shqipërisë dhe Qeverisë së Republikës së Kosovës për hapjen e pikës së përbashkët të kalimit kufitar Shishtavec (Kukës) –Krushevë (Dragash) midis Republikës së Shqipërisë dhe Republikës së Kosovës – Nënshkruesit: Bledar Çuçi dhe Xhelal Sveçla
Marrëveshje për sigurime shoqërore ndërmjet Republikës së Shqipërisë dhe Republikës së Kosovës – Nënshkruesit: Delina Ibrahimaj dhe Hekuran Murati
Memorandum bashkëpunimi ndërmjet Ministrisë së Infrastrukturës dhe Energjisë së Republikës së Shqipërisë dhe Ministrisë së Mjedisit, Planifikimit Hapësinor dhe Infrastrukturës së Republikës së Kosovës për ndërtimin e lidhjes hekurudhore Durrës-Prishtinë – Nënshkruesit: Belinda Balluku dhe Liburn Aliu
Marrëveshje bashkëpunimi në fushën e njohjes dhe njësimit reciprok të diplomave, certifikatave dhe gradave shkencore të lëshuara nga institucionet e arsimit të lartë dhe institucione të tjera të autorizuara – Nënshkruesit: Evis Kushi dhe Arbërie Nagavci
Marrëveshje për ndihmë të ndërsjellë juridike në çështjet civile dhe tregtare – Nënshkruesit: Ulsi Manja dhe Albulena Haxhiu
Kalendari i përbashkët Kulturor Vjetor Shqipëri-Kosovë, për vitin 2021-2022 – Nënshkruesit: Elva Margariti dhe Hajrulla Çeku
Marrëveshje për bashkëpunim në fushën e trashëgimisë kulturore dhe muzeve – Nënshkruesit: Elva Margariti dhe Hajrulla Çeku
Marrëveshje bashkëpunimi në fushën e bujqësisë – Nënshkruesit: Frida Krifca dhe Faton Peci
Marrëveshje bashkëpunimi ndërmjet Ministrisë së Shëndetësisë dhe Mbrojtjes Sociale të Republikës së Shqipërisë dhe Ministrisë së Financave, Punës dhe Transfereve të Republikës së Kosovës – Nënshkruesit: Ogerta Manastirliu dhe Hekuran Murati
