Negociatori ukrainas, Mykhailo Podoliak i cili është edhe këshilltari i presidentit Zelensky, përmes një postimi në Twitter ka deklaruar se bisedimet e paqes midis Ukrainës dhe Rusisë do të shtyhen për ditën e nesërme.
Shkak sipas tij është një problem teknik, pasi ky raund i bisedimeve po zhvillohet online.
“Për punë shtesë në nëngrupet e punës dhe sqarimin e përcaktimeve individuale. Negociatat vazhdojnë.”, shkruan Podoliak.
Më herët sot, presidenti ukrainas Volodymyr Zelensky i përshkroi ato si “bisedime të vështira”.
Podoliak tha se seanca e katërt po mbahej praktikisht, jo personalisht, me ekipin negociues ukrainas në Kiev.
A technical pause has been taken in the negotiations until tomorrow. For additional work in the working subgroups and clarification of individual definitions. Negotiations continue…
— Михайло Подоляк (@Podolyak_M) March 14, 2022
