Shkruar nga Pamfleti
Deputeti i PD, Ervin Salianji i ka kërkuar kryetares së Kuvendit të thërrasë në seancë kryeministrin Rama që të flasë për skandalin e Charles McGonigal. Salianji u shpreh se duhet të vihet sens në Kuvend dhe kryeministri të jetë i pranishëm dhe se fjalën deputetëve nuk ua përcakton Kuvendi por kushtetuta. Sipas tij, nëse kreu i qeverisë nuk është i pranishëm, nuk mund të ketë seancë në Kuvend.
“Të gjithë deputetët duhet të flasin për aferën e kryeministrit për të korruptuar një zyrtar të lartë të FBI. Ne e kërkojmë kryeministrin për një aferë personale. Duhet të vijë dhe të japë përgjigje. Ju nuk mund të caktoni dot se cilët janë deputetët që bëjnë debat. Të gjithë të dalin dhe të diskutojnë. Ndryshe nuk ka kuptim seanca. Dje kryeministrit i doli skandali i avionit personal. Tha që e kam pa lekë, dje i doli kontrata e Shërbimeve Qeveritare. Pranoni kërkesën për mocion me debat, ti japim seancë parlamentarizmit. Ndryshe nuk mund të ketë seanca. Ka mundësi të ktheni përgjigje për këtë dhe t’i japim drejtim seancës”, tha Salianji gjatë fjalës së tij në Kuvend.
